Каталониянинг "Барселона" клуби марказий ҳужумчиси Роберт Левандовски Испания чемпионатининг 31-турида "Райо Вальекано"га қарши ўйиндан сўнг журналистлар билан суҳбатлашди. “Кўк-анорранглилар” 1:2 ҳисобида мағлуб бўлди.
"Жуда қийин учрашув бўлди. "Барселона" учун бу ерда ўйнаш ҳар доим қийин бўлган. Иккита гол ўтказиб юбордик ва кўп вазиятлар ярата олмадик. Кейинги жангда биз яхшироқ кўринишга эга бўлишимиз керак", - деди Левандовски AS билан суҳбатда.
Муваффақиятсизликка қарамай, “Барселона” Ла Лига турнир жадвалида пешқадамлик қилишда давом этмоқда. Навбатдаги учрашувда Хави Эрнандес шогирдлари “Камп Ноу”да “Бетис”ни қабул қилади.
