"Реал Мадрид" мураббийлар штаби бугун майдонда индивидуал машғулотларга қўшилган ҳимоячи Давид Алабанинг ҳолатига ижобий муносабатда. Marca хабарига кўра, "қироллик клуби" австриялик футболчининг 6 май куни Севилья шаҳрида бўлиб ўтадиган "Осасуна"га қарши Испания кубоги финалида иштирок этишига ишончи комил.

Манбанинг қўшимча қилишича, "Реал Мадрид" шунингдек Алабанинг 9 май куни бўлиб ўтадиган "Манчестер Сити"га қарши Чемпионлар лигасининг биринчи ярим финалида иштирок этишига ишонмоқда. Эслатиб ўтамиз, Эдер Милитао сариқ карточкалари йиғилиб қолгани туфайли "шаҳарликлар"га қарши биринчи учрашувни ўтказиб юборади.