"Барселона" ярим ҳимоячиси Серхио Бускетс клуб билан шартномасини узайтиришга жуда яқин турибди. Ярим ҳимоячи кейинги мавсум охиригача янги шартнома имзолайди.
Журналист Хави Мигелнинг сўзларига кўра, Бускетс ўз қарорини "Барселона"даги баъзи жамоадошларига етказган. Футболчи раҳбариятнинг маошини уч марта камайтириш таклифини қабул қилди. Эслатиб ўтамиз, амалдаги шартномага кўра, Серхио йилига 37 миллион евро олган ва клуб маоши бўйича иккинчи ўринни эгаллаган.
Бускетс "Интер Майами" трансферини кечиктиришга қарор қилди. "Барселона" бош мураббийи Хави Эрнандес Серхионинг яна бир мавсум клубда қолишини жуда хоҳлади.
