"Барселона"нинг икки футболчиси Испания чемпионатининг навбатдаги турида "Бетис"га қарши ўйинда майдонга қайтиши мумкин. Relevo хабарига кўра, марказий ҳимоячи Андреас Кристенсен ва ҳужумчи Усмон Дембеле жароҳатларини даволаб, таркибга қайтишга яқин турибди.

Бироқ манбанинг хабарига кўра, бу футболчилар учрашувни асосий таркибда бошламайди. Мураббийлар штаби футболчиларнинг соғлиғини хавф остига қўймоқчи эмас, шунинг учун Кристенсен ва Дембеле босқичма-босқич асосий таркибга қайтарилади.

Кристенсен ўтган ёзда "Челси"дан "Барселона"га текинга ўтган эди. Дембеле жорий мавсум бошланишидан олдин клуб билан янги шартнома имзолади, бироқ бу шартнома кейинги мавсум охирида тугайди.