Дортмунднинг "Боруссия" клуби ярим ҳимоячиси Марко Ройс яқин орада немис клуби билан шартномасини узайтиради, дея хабар беради журналист Фабрицио Романо.
Эслатиб ўтамиз, 33 ёшли футболчининг амалдаги шартномаси шу йилнинг июнь ойи охиригача мўлжалланган. Ройс 11 мавсумдан буён "асаларилар" шарафини ҳимоя қилмоқда.
"Боруссия" таркибида ярим ҳимоячи икки марта Германия кубогини қўлга киритди ва уч марта мамлакат Суперкубоги соҳибига айланди.
Жорий мавсумда Ройс “Боруссия Дортмунд” сафида 26 та ўйинда майдонга тушиб, 8 та гол урди ва 7 та голли узатмани амалга оширди. Transfermarkt немис футболчисини 9 миллион еврога баҳоламоқда.
