"Брентфорд"нинг ҳужумкор ярим ҳимоячиси, 23 ёшли Брайан Мбеумо АПЛнинг бошқа клубига ўтиши мумкин.
Todofichajes нашри хабарига кўра, футболчининг хизматларига "Лестер" қизиқиш билдирмоқда. Келишув ёзги трансфер ойнасида якунланиши мумкин.
Мбеумо 2019 йилнинг августидан бери "Брентфорд"да ўйнаб келмоқда. Камерунлик футболчининг “асаларилар” билан амалдаги шартномаси муддати 2026 йилнинг ўрталарига қадар мўлжалланган. Transfermarkt портали африкалик футболчини 28 миллион еврога баҳолаган.
Англия Премьер-лигасининг жорий мавсумида Брайан 33 та ўйинда майдонга тушиб, 6 та гол ва 6 та голли узатмага муаллифлик қилган.
