"Атлетико Мадрид"нинг собиқ ҳужумчиси Фернандо Торрес келаси мавсумда "матрасчилар"нинг ўринбосарлар жамоаси бош мураббийи сифатида иш бошлайди. Бу ҳақда COPE нашри хабар тарқатмоқда.
Аввалроқ, 39 ёшли мутахассис 2021 йилнинг июнидан бошлаб "Атлетико" ёшлар жамоасида мураббий сифатида ишлаган.
Торрес "Атлетико Мадрид" тарбияланувчиси. Футболчилик фаолияти давомида ҳужумчи Англиянинг “Ливерпуль”, Лондоннинг “Челси”, Италиянинг “Милан” ва Япониянинг “Саган Тосу” клубларида ўйнаган. Торрес 2019 йилда фаолиятини якунлаган.
Торрес Испания терма жамоаси таркибида икки карра Европа чемпиони (2008 ва 2012) ва жаҳон чемпиони (2010) ҳисобланади. "Челси"да ўйнаган испаниялик ҳужумчи 2012 йилда Чемпионлар лигасида ғолиб чиққан. Торрес икки марта (2013 ва 2018) Европа Лигаси ғолиби бўлган.
