"Atletiko Madrid"ning sobiq hujumchisi Fernando Torres kelasi mavsumda "matraschilar"ning o‘rinbosarlar jamoasi bosh murabbiyi sifatida ish boshlaydi. Bu haqda COPE nashri xabar tarqatmoqda.
Avvalroq, 39 yoshli mutaxassis 2021 yilning iyunidan boshlab "Atletiko" yoshlar jamoasida murabbiy sifatida ishlagan.
Torres "Atletiko Madrid" tarbiyalanuvchisi. Futbolchilik faoliyati davomida hujumchi Angliyaning “Liverpul”, Londonning “Chelsi”, Italiyaning “Milan” va Yaponiyaning “Sagan Tosu” klublarida o‘ynagan. Torres 2019 yilda faoliyatini yakunlagan.
Torres Ispaniya terma jamoasi tarkibida ikki karra Yevropa chempioni (2008 va 2012) va jahon chempioni (2010) hisoblanadi. "Chelsi"da o‘ynagan ispaniyalik hujumchi 2012 yilda Chempionlar ligasida g‘olib chiqqan. Torres ikki marta (2013 va 2018) Yevropa Ligasi g‘olibi bo‘lgan.