"Тоттенхэм" клуби ҳужумчи Харри Кейнни жамоада сақлаб қолиш учун машаққатли ишга тайёрланмоқда.
Ҳужумчининг шартномаси бир йилу икки ойдан кейин тугайди ва бошқа клублар уни шу ёзда арзонлаштирилган нархда сотиб олмоқчи. Кейннинг ўзининг режалари ҳозирча номаълум, "Тоттенхэм" эса 29 ёшли футболчини у билан шартномани узайтириш орқали ўз сафида сақлаб қолмоқчи.
Журналист Грехем Бейлининг ёзишича, “шпорлар” раҳбарияти “Челси”ни келаси мавсумда Маурисио Почеттино бошқарса, англиялик юлдузга даъвогарлар рўйхатига тез орада "аристократлар"нинг ҳам қўшилишини кутмоқда.
Айни дамда Transfermarkt портали томонидан 90 миллион еврога баҳоланган Кейнга асосий давогарлар "Манчестер Юнайтед", "ПСЖ" ва "Бавария" бўлиб турибди.
