Ёзда "Наполи" Хвича Кварацхелияни сотиб олмоқчи бўлган барча клублар таклифларини рад этади.
Il Mio Napoli нашрининг хабар беришича, неаполликлар 22 ёшли вингер бўйича таклифларни тинглайди, бироқ барча эҳтимолий харидорларнинг таклифини рад этади, чунки улар уни келажак учун энг муҳим футболчилардан бири деб билишади.
Ҳужумчи Виктор Осимхен ёки шартномасида товон пули эвазига жамоадан кетиш бўйича банди бор ҳимоячи Ким Мин Чже мавсум охирида "Наполи"ни тарк этиши мумкин, аммо Хвича эмас. Эҳтимол, кузда у билан шартномани узайтириш бўйича музокаралар олиб борилади. Бу масала аллақачон клубда муҳокама қилинмоқда ва ҳамма Кварацхелия билан келишувга эришилишига ишонмоқда.
Хвича жорий мавсум "Наполи" сафида барча турнирлар доирасида 36 та ўйинда майдонга тушиб, 14 та гол ва 14 та голли узатмага муаллифлик қилган.
