"Ан-Наср"да Криштиану Роналду "Манчестер Юнайтед"даги собиқ шериги билан ўйнаши мумкин.

AS нашри хабарига кўра, Алекс Теллесга Саудия Арабистони клуби қизиқиш билдирмоқда. Ҳимоячини ёзгача ижарага олган ва молиявий талаблар туфайли уни олиб қолишни хоҳламаётган "Севилья"дан фарқли ўлароқ, Яқин Шарқ жамоаси футболчига керакли маошни тўлиқ тўлашга тайёр.

Қайд этилишича, Теллеснинг "Манчестер Юнайтед"даги келажаги ноаниқ, унинг клубда қолиши даргумон. Лекин ҳали ҳам Бразилия терма жамоасида ўйнашни кутаётган футболчининг ўзи ҳам қуйи савиядаги лигага ўтишга рози бўладими ёки йўқми, аниқ эмас.

Ҳимоячига “Галатасарой” ҳам қизиқмоқда.