Италия чемпионатининг 32-туридан ўрин олган “Милан” ва “Рома” учрашувида дуранг қайд этилди(1:1).
93-дақиқада “бўрилар” Темми Абрахамнинг голи эвазига ҳисобни очди, 97-дақиқада эса ҳисоб Алексис Салмейкерс томонидан тенглаштирилди.
1999/00 йилги мавсумдан буён биринчи марта иккала клуб лигадаги иккала ўйинни дуранг натижа билан ўтказишди.
Биринчи давра ўйини 2:2 ҳисобида якунланганди. Ўшанда "россонерилар" биринчи бўлим ўрталарида икки тўп билан ҳисобда олдинга чиқиб олганди, аммо 87 ва 90-дақиқаларда икки марта гол ўтказиб юборганди.
Жамоалар бир хил очко (57) жамғариб 4-ўрин (“Милан”) ва 5-ўринни (“Рома”) эгаллаб туришибди.
