“Бавария” бу мавсумда ўзига ўхшамаяпти. Мураббийнинг ўзгариши натижаларга салбий таъсир қилган бўлса бордирки, лекин яхши томонга ўхгариш сезилмади. Бундай вазиятда бир қатор футболчиларнинг Мюнхендаги келажаги ноаниқ бўлиб қолмоқда. Улар баъзиларини қуйида келтириб ўтамиз.
Садио Мане (Сенегал, ҳужумчи, 31 ёш)
2022 йил ёзида “Бавария” Манени “Ливерпул”дан 32 миллион еврога сотиб олган эди. Daily Mail нашри хабарига кўра, клуб сенегаллик футболчи Лерой Сане билан жанжал қўзғатганидан сўнг, уни жамоада кўрмоқчи эмас.
Серж Гнабри (Германия, вингер, 27 ёш)
Гнабри "Бавария"да 2018 йилдан бери тўп тепади. Sport Bild хабарига кўра, бош мураббий Томас Тухель футболчи билан хайрлашмоқчи.
Алфонсо Дэвис (Канада, ҳимоячи, 22 ёш)
Дэвиснинг "Бавария" билан шартномаси 2024/2025 йилги мавсумгача амал қилади. Испания матбуоти “Реал Мадрид” футболчини 2024 йилнинг ёзида сотиб олишга ҳаракат қилиши ҳақида ёзмоқда.
Бенжамин Павар (Франция, ҳимоячи, 27 ёш)
Павар 2019 йилдан бери "Бавария"да ўйнаб келмоқда. Унинг шартномаси кейинги ёзда якунига етади. Миш-мишларга кўра, франциялик футболчига "Манчестер Юнайтед" қизиқиш билдирмоқда.
Райан Гравенберх (Нидерландия, ярим ҳимоячи, 20 ёш)
Ўтган ёзда "Бавария" Гравенберхни "Аякс"дан 18,5 миллион евро эвазига сотиб олганди. Times хабарига кўра, футболчига энг кўп "Ливерпуль" қизиқиш билдирмоқда. Уни “Манчестер Юнайтед” ва “Арсенал” ҳам кузатиб бормоқда.
Марсел Забитцер (Австрия, ярим ҳимоячи, 29 ёш)
2023 йилнинг қишида “Бавария” Забитзерни “Манчестер Юнайтед”га ижарага берди. Британияликлар ўзи ҳам АПЛда қолишни истайдиган футболчини сотиб олмоқчи.
