“Bavariya” bu mavsumda o‘ziga o‘xshamayapti. Murabbiyning o‘zgarishi natijalarga salbiy ta’sir qilgan bo‘lsa bordirki, lekin yaxshi tomonga o‘xgarish sezilmadi. Bunday vaziyatda bir qator futbolchilarning Myunxendagi kelajagi noaniq bo‘lib qolmoqda. Ular ba’zilarini quyida keltirib o‘tamiz.
Sadio Mane (Senegal, hujumchi, 31 yosh)
2022 yil yozida “Bavariya” Maneni “Liverpul”dan 32 million yevroga sotib olgan edi. Daily Mail nashri xabariga ko‘ra, klub senegallik futbolchi Leroy Sane bilan janjal qo‘zg‘atganidan so‘ng, uni jamoada ko‘rmoqchi emas.
Serj Gnabri (Germaniya, vinger, 27 yosh)
Gnabri "Bavariya"da 2018 yildan beri to‘p tepadi. Sport Bild xabariga ko‘ra, bosh murabbiy Tomas Tuxel futbolchi bilan xayrlashmoqchi.
Alfonso Devis (Kanada, himoyachi, 22 yosh)
Devisning "Bavariya" bilan shartnomasi 2024/2025 yilgi mavsumgacha amal qiladi. Ispaniya matbuoti “Real Madrid” futbolchini 2024 yilning yozida sotib olishga harakat qilishi haqida yozmoqda.
Benjamin Pavar (Fransiya, himoyachi, 27 yosh)
Pavar 2019 yildan beri "Bavariya"da o‘ynab kelmoqda. Uning shartnomasi keyingi yozda yakuniga yetadi. Mish-mishlarga ko‘ra, fransiyalik futbolchiga "Manchester Yunayted" qiziqish bildirmoqda.
Rayan Gravenberx (Niderlandiya, yarim himoyachi, 20 yosh)
O‘tgan yozda "Bavariya" Gravenberxni "Ayaks"dan 18,5 million yevro evaziga sotib olgandi. Times xabariga ko‘ra, futbolchiga eng ko‘p "Liverpul" qiziqish bildirmoqda. Uni “Manchester Yunayted” va “Arsenal” ham kuzatib bormoqda.
Marsel Zabitser (Avstriya, yarim himoyachi, 29 yosh)
2023 yilning qishida “Bavariya” Zabitzerni “Manchester Yunayted”ga ijaraga berdi. Britaniyaliklar o‘zi ham APLda qolishni istaydigan futbolchini sotib olmoqchi.
