"Барселона" Ла Лиганинг 32-тури доирасида "Бетис"ни мағлуб этди (4:0).
Каталонияликлар таркибида ярим ҳимоячи Ламин Ямал 83-дақиқада майдонга тушди. 15 ёшу 290 кунлигида у Испания чемпионатида майдонга тушиб, клуб рекордини янгилади ва энг ёш дебютантга айланди. Ла Лигада фақат тўрт нафар футболчи ундан ёшроқ пайтида майдонга тушган. Рекорд Лука Ромерога тегишли бўлиб, у 2019/20 йилги мавсумда “Мальорка” сафида 15 ёшу 219 кунлигида дебют қилган.
"Барселона"нинг энг ёш дебютанти Паулино Алькантара бўлиб у 1912 йилда 15 ёш, 4 ой ва 18 кунлигида дебют қилган.
