«Манчестер Юнайтед» бош мураббийи Эрик тен Хаг Англия премьер-лигасининг 34-турида «Астон Вилла» устидан қозонилган ғалаба (1:0) ҳақида гапирди.
Мутахассис унинг жамоаси тўп билан яхши ишлагани, унга кўп эгалик қилгани ва юқори сифатли босим ўтказганини таъкидлади.
«Иккинчи бўлимда мен 2:0 ҳисобида олдинда боришни хоҳлардим, аммо биз буни уддалай олмадик ва бундай вазиятда якун ҳар доим кескинлашади», - деди Тен Хаг.
«Манчестер Юнайтед» турнир жадвалида тўртинчи ўринда бормоқда, жамоа «Ньюксал»дан 2 очко кам жамғарган.
Кейинги турда Эрик тен Хаг шогирдлари меҳмонда «Брайтон»га қарши баҳс олиб боради.
