"Манчестер Юнайтед" ярим ҳимоячиси Бруну Фернандеш "Астон Вилла" устидан қозонилган ғалабадан сўнг (1:0) клубнинг мавсумдаги режалари билан ўртоқлашди.
"Жамоа ҳар бир ўйинда ғалаба қозонишни истайди. Қайси клуб рақибимиз бўлиши муҳим эмас. "Астон Вилла" кетма-кет 10 та ўйинда ютқазмади. Уларда яхши ўйинчилар бор, лекин биз ўз вазифамизни бажариб, уч очко олишимиз мумкинлигини билардик.
Бизни 1:0 ҳисоби ва уч очко қониқтирди. "Манчестер Юнайтед" учун кучли тўртликка кириш жуда муҳим. Шундан сўнг, кубокни қандай қўлга киритиш ҳақида ўйлаш керак. Биз Англия кубоги финали ва Премьер-лигада кучли тўртликка кириш учун куч топишимиз керак", - деди Бруну.