Габонлик ҳужумчи Пьер-Эмерик Обамеянг жорий мавсум якунида Лондоннинг “Челси” клубини тарк этиб, Италия чемпионатига ўтиши мумкин. Todofichajes хабарига кўра, 33 ёшли габонлик ҳужумчи хизматларига Миланнинг "Интер" клуби қизиқиш билдирмоқда.
Бельгиялик тўпурар Ромелу Лукаку жамоани тарк этса, "нерадзуррилар" африкалик футболчини ўз сафига қўшиб олишга ҳаракат қилади.
Обамеянгнинг "аристократлар" билан 2024 йилнинг ўрталарига қадар шартномаси бор. Унинг трансфер нархи етти миллион еврога баҳоланмоқда.
Пьер-Эмерик жорий мавсумда АПЛда 14 та ўйинда майдонга тушиб, 1 та гол урган.













