Ўзбекистонлик мутахассис Нўъмон Ҳасанов Тожикистоннинг «Хўжанд» клуби бош мураббийи этиб тайинланди.

Ўтган ҳафтада «Хўжанд» жамоаси Рустам Хўжаев бошчилигидаги мураббийлар штабини истеъфога чиқарганди. Ҳасанов эса бўш қолган лавозимни эгаллади.

Нўъмон Ҳасанов футболчилик фаолияти давомида «Пахтакор», МҲСК, «Рубин» (Қозон), «Дўстлик», «Трактор» (Тошкент), «Қўқон-1912» ва «Насаф» клублари сафида тўп тепган. Шунингдек, у Ўзбекистон терма жамоаси таркибида 23 ўйинда иштирок этиб, 4 гол муаллифига айланган. Мураббийлик фаолиятини бошлагач эса «Пахтакор», «Қўқон-1912» ва «Навбаҳор» клубларида ишлади.

Нўъмон Ҳасанов ўтган мавсумда Тожикистоннинг «Истаравшан» жамоасини бошқарганди.

«Хўжанд» жорий мавсумни у қадар муваффақиятли бошлай олмади. Жамоа 6 ўйинда бор-йўи 7 очко жамғариб, жадвалда 8-поғонани эгаллаб турибди. Аммо клуб пешқадамдан 4 очко ортда қолмоқда, холос. Нўъмон Ҳасановдан эса жамоадаги вазиятни ўнглаши талаб этилади.