"Челси"нинг вақтинчалик бош мураббийи Фрэнк Лэмпард клубнинг асрий муаммоси ҳақида гапирди.
44 ёшли мутахассис ўтмишда лондонликлар сафида 13 йил ўйнаган ва клубда учта мураббийлик лавозимида ҳам ишлаган. "Арсенал"га қарши дерби олдидан Лэмпард "Челси"нинг тез-тез мураббий алмашиши ҳақидаги саволга шундай жавоб берди: "Мен футболчи бўлганимда, клуб ҳар доим мураббийларни алмаштирди. Мен уч марта Англия чемпиони бўлганман, лекин беш-олти марта чемпион бўлишим керак эди. Менимча, клубда барқарорлик йўқ", - дейди собиқ ярим ҳимоячи.
Лэмпард аллақачон "Челси"нинг жорий мавсумдаги учинчи мураббийи ҳисобланади. Ундан олдин жамоани Томас Тухел ва Грем Поттер бошқарган.
