Ўзбекистон ўсмирлар терма жамоаси қитъа чемпионатининг ярим финалига чиқди. Ярим финалда қайси жамоа билан тўп сурамиз, деган саволга жавоб бериб ўтамиз.
Демак, финал остонасидаги рақибимиз ҳозир бўлиб ўтаётган ўйинда аниқланмоқда. Эрон ўсмирлар терма жамоаси биринчи бўлимдан кейин Австралияни 2:0 ҳисобида мағлубиятга учратмоқда.
Мусобақа мезбонлари ғалабани сақлаб қолишса, келаси йили БААда бўлиб ўтадиган жаҳон чемпионатига чиқиш билан бирга, Осиё чемпионатининг ярим финалида Ўзбекистонга рақиблик қилади.
Ярим финал ўйини 3 октябрь куни соат 18:30да (Тошкент вақти билан) "Пас" стадионида бошланади.
Ироқ ўсмирлар терма жамоаси биринчи бўлиб ярим финал йўлланмасини қўлга киритди. Улар чорак финалда Кувайтни 3:1 ҳисобида мағлуб этишди.
