"Барселона" Европадан ташқари халқаро турнирларда ўйнашни кўриб чиқмоқда.

"Кўк-анорранглилар" раҳбарияти "Негрейра иши" бўйича суд жараёнининг натижаларига оптимистик муносабатда. Каталония клуби президенти Жоан Лапорта УЕФА раҳбари Александер Чеферин билан учрашувдан мамнун бўлди.

Бироқ "Барселона" раҳбарлари агар УЕФА клубга нисбатан санкция қўлласа, Европадан ташқарида ўйнаш имкониятини ўрганмоқда. Каталонияликлар халқаро турнирга таклиф қилинган клуб сифатида киришга ҳаракат қилиши ва катта миқдорда пул олиши мумкин.

"Барселона"нинг асосий эътибори Осиё мусобақаларига қаратилган. Шунингдек, Каталония клуби раҳбарияти Осиё чемпионлар лигасига ўтиш вариантини кўриб чиқмоқда. Испанияда жамоага қарши санкциялар қўлланилса, "Барселона" бошқа Европа чемпионатига ўтиши эҳтимоли бор.