"Манчестер Сити" ярим ҳимоячиси Кевин де Брюйне якшанба куни бўлиб ўтган "Фулхэм"га қарши АПЛ ўйинини ўтказиб юборди. Клуб бельгиялик футболчининг майдонга тушишга тўлиқ тайёр эмаслигини маълум қилди. "Вест Хэм"га қарши ўйин арафасида "шаҳарликлар" устози Хосеп Гвардиола де Брюйненинг ҳолати ҳақида бир неча сўз айтди.
"Кевин ҳаракатни бошлади, лекин у ҳали жамоа билан машғулот ўтказмаган. Бир неча соатдан кейин машғулот ўтказамиз, кўрамиз. Натан Акега келсак, у кеча машғулот ўтказди, ўзини яхши ҳис қилмоқда", - деди Гвардиола матбуот анжуманида.
"Манчестер Сити" ва "Вест Хэм" ўртасидаги АПЛ учрашуви 3 май куни Тошкент вақти билан соат 23:59да бошланади.
