"Челси" ҳимоячиси Бен Чилуэлл жамоанинг айни пайтдаги ҳолати ҳақида гапирди.
"Айни дамда биз чуқур туйнукдамиз. Бу вазиятдан чиқиш учун биз бирлашишимиз керак. Танқидлар кўп бўлади, лекин биз бирдам бўлишимиз, қаттиқ машқ қилишимиз ва мухлислар кўришни истаган кучни майдонга ташлашимиз керак. Улар бутун мавсум давомида биз билан бирга бўлишди. Финал ҳуштаги янграгандан сўнг, биз уларни олқишлаш учун келдик ва улар ҳали ҳам бизни қўллаб-қувватламоқда, шунинг учун биз буни улар учун қилишимиз керак", - деди Чилуэлл клуб матбуот хизматига.
"Челси" 30 йил ичида биринчи марта кетма-кет олтита ўйинда мағлуб бўлди.
Улар 33-турдан кейин 39 очко жамғарган ҳолда Премьер-лига турнир жадвалида 12-ўринда бормоқда.
