"Арсенал"нинг норвегиялик ярим ҳимоячиси Мартин Эдегор журналистларга "Лондон дербиси"да "канонирлар"нинг "Челси" устидан қозонилган ғалабаси ҳақида гапирди.

Эдегор иккинчи бўлим анча тартибсиз ўтганини, аммо барибир жамоанинг ўйинидан ва якуний уч очкодан мамнун эканини айтди. Норвегиялик футболчи "Арсенал"нинг барча ўйинчилари "Манчестер Сити"дан сўнгги мағлубиятдан шунчалик хафа бўлганини, улар бор ғазабини "Челси" билан ўйинда ишлатишга қарор қилишганини таъкидлади.

"Биз шунчаки ўзимизни энг яхши томонимизни кўрсатишни хоҳладик ва буни уддаладик", — дея қўшимча қилди Эдегор.