"Арсенал" ҳимоячиси Александр Зинченко жамоасининг Англия Премьер-лигасидаги ғалабасига ишонишда давом этмоқда. Эндиликда "канонирлар" турнир жадвалида "Манчестер Сити"дан икки очко олдинда, аммо Хосеп Гвардиола шогирдларида иккита захира ўйини бор.

"Сиз нима бўлишини ҳеч қачон билмайсиз. Ишонишимиз ва чемпионлик учун охиригача курашишимиз керак. Айтганимдек, афсуски, ҳамма нарса ўз қўлимизда эмас. Агар сиз мақсадга ишонмасангиз, ҳеч нарса қилишдан маъно йўқ", - деди Зинченко ўйиндан кейинги интервьюсида.

Эслатиб ўтамиз, Зинченко ўтган ёзда "Манчестер Сити"дан "Арсенал"га ўтган эди.