Римнинг "Рома" клуби сафида айни дамда Италия чемпионатида тўп сураётган сербиялик ярим ҳимоячи Неманья Матич фаолиятини якунлагач, мураббий бўлиш нияти борлигини маълум қилди.

"Келажакда мураббий бўлишга қарор қилдим. Лицензия олиш устида ишлаяпман, аммо ҳозирча бор эътиборимни футболчи сифатидаги фаолиятимга қаратганман. Мен ўзимни яхши ҳис қиляпман, ўйлайманки, ҳали бир неча мавсумни ўтказишим мумкин. Кейин мен Премьер-лигада мураббий бўлиб ишламоқчиман", - деди Неманья Sky Sports билан суҳбатда.

Матичнинг "Рома" билан амалдаги шартномаси 2024 йилнинг ўрталарига қадар тузилган. Италия чемпионатининг жорий мавсумида 34 ёшли ярим ҳимоячи 31та ўйин ўтказиб, 1та гол урди ва 2та голли узатмани амалга оширди.