"ПСЖ" ҳужумчиси Лионель Месси фаолиятини Саудия Арабистонида давом эттириши мумкин, деб хабар беради L'Equipe.
Манбага кўра, Саудия ҳукумати 35 ёшли аргентиналик футболчига футбол тарихидаги энг йирик шартномани таклиф қилишга тайёр. Шартнома бир неча йилга мўлжалланган бўлади. Форвард Криштиану Роналду тўп сурадиган "Ан-Наср"нинг асосий рақиби бўлган "Ал-Ҳилол"га ўтиши мумкин.
Қайд этилишича, Месси "ПСЖ" билан можародан олдин ҳам клубини ўзгартириш имкониятини кўриб чиққан.
Ҳужумчи жорий мавсум парижликлар сафида барча турнирлар доирасида 37 та ўйинда майдонга тушиб, 20 та гол урди ва 19 та голли узатмани амалга оширди.
