Испаниялик журналист Хуан Игнасио Гарсия Очоа «Реал Мадрид» президенти Флорентино Перес жамоасининг Ла Лиганинг жорий мавсумдаги натижаларидан жуда норози эканини айтди.

Ўтган ўйинда «қироллик» клуби «Реал Сосьедад»дан 0:2 ҳисобида мағлуб бўлди. Карло Анчелотти шогирдлари Испания чемпионати турнир жадвалида «Атлетико»дан ортда қолиб, учинчи ўринга тушиб кетди.

33-турдан сўнг «Реал» 68 очко жамғарган бўлса, «матрасчилар»дан бир очко ортда қолмоқда. Мадридликлар пешқадам «Барселона»дан 14 очко ортда қолмоқда.

Навбатдаги учрашувни «қаймоқранглилар» 6 май куни Испания кубоги финалида «Осасуна»га қарши ўтказади.