"ПСЖ" ҳужумчиси Лионель Месси ва "Атлетико" ҳужумчиси Антуан Гризманн Испаниядаги "Vice" ресторанлар тармоғига сармоя киритдилар. Бу ҳақда El Pais нашри хабар бермоқда.
Манбага кўра, футболчилар бургер ишлаб чиқаришга ихтисослашган ресторанлар тармоғини ривожлантириш учун маблағ йиғишда иштирок этган. Умуман олганда, испан тадбиркорлари 17 миллион еврога яқин маблағ тўплашди. Улар Мадрид ва Барселонадаги еттита ресторан тармоғини бутун Испания бўйлаб 17 тагача кенгайтиришни режалаштирмоқда.
Эслатиб ўтамиз, Гризманн 2005 йилдан бери испаннинг турли клубларида тўхтовсиз ўйнаб келмоқда.
