Англия Премьер-лигаси доирасида “Манчестер Юнайтед” “Астон Вилла”ни қабул қилди. Ўйин мезбонларнинг 1:0 ҳисобидаги ғалабаси билан якунланди.
Ўйин давомида “манкунианликлар” аъзолари Каземиро ҳамда Бруну Фернандеш ўзаро тортишиб қолди. Бразилиялик ярим ҳимоячи Бруну Фернандешга қўпол муносабатда бўлди.
Португалиялик плеймейкер қўшимча дақиқаларда қўпол хатога йўл қўйди ва Каземиро ушбу вазиятда жамоасини хавфли қарши ҳужумдан қутқариб қолди.
Бразилиялик футболчи кейинчалик Брунунинг ёнига келиб, “Манчестер Юнайтед”ни ғалабадан мосуво қиладиган хато қилганини айтиб, эътироз билдирди. Бироқ якунда икки ярим ҳимоячи ўзаро қучоқлашиб, мухлисларга ҳаммаси яхши, деган маънода қараб қўйишди.
