Angliya Premyer-ligasi doirasida “Manchester Yunayted” “Aston Villa”ni qabul qildi. O‘yin mezbonlarning 1:0 hisobidagi g‘alabasi bilan yakunlandi.
O‘yin davomida “mankunianliklar” a’zolari Kazemiro hamda Brunu Fernandesh o‘zaro tortishib qoldi. Braziliyalik yarim himoyachi Brunu Fernandeshga qo‘pol munosabatda bo‘ldi.
Portugaliyalik pleymeyker qo‘shimcha daqiqalarda qo‘pol xatoga yo‘l qo‘ydi va Kazemiro ushbu vaziyatda jamoasini xavfli qarshi hujumdan qutqarib qoldi.
Braziliyalik futbolchi keyinchalik Brununing yoniga kelib, “Manchester Yunayted”ni g‘alabadan mosuvo qiladigan xato qilganini aytib, e’tiroz bildirdi. Biroq yakunda ikki yarim himoyachi o‘zaro quchoqlashib, muxlislarga hammasi yaxshi, degan ma’noda qarab qo‘yishdi.
