"Манчестер Юнайтед" ярим ҳимоячиси Марсель Забитцер Жейдон Санчо нима учун ҳалигача "Олд Траффорд"да яхши ўйнай олмаяпти деган саволга жавоб беришга уриниб кўрди.
Эслатиб ўтамиз, англиялик футболчи "қизил иблислар" сафига 2021 йилнинг ёзида Дортмунднинг "Боруссия" жамоасидан кўчиб ўтганди.
"Жейдон Санчо Бундеслиганинг ажойиб футболчиси эди. Унинг ақл бовар қилмайдиган статистикаси бор эди. У онгсиз равишда катта босимга дуч келди. Англия Премьер-лигасига, хусусан, "Манчестер Юнайтед"га 80 миллион еврога ўтсангиз, сизга катта эътибор берилиши кафолатланади" - деди Забитцер.
Санчо АПЛнинг жорий мавсумида 5 та гол урди ва 2 та голли узатмани амалга оширди.
