Антуан Гризманн "Атлетико"нинг Ла Лига тарихидаги энг яхши 5 та тўпурарларидан бири.

Ла Лиганинг 33-туридан ўрин олган "Кадис"га қарши ўйинда (5:1) "Атлетико" форварди дубл қайд этиб, Мадрид клуби учун чемпионатдаги 109 ва 110-голларини киритди. Франциялик футболчи Хосе Эулохио Гаратени ортда қолдириб, клубнинг Ла Лигадаги энг яхши тўпурарлари орасида тўртинчи ўринга кўтарилди.

Рўйхатни Адриан Эскудеро 150 та гол билан бошқармоқда, иккинчи ўринда Луис Арагонес (123), учинчи ўринда Франсиско Кампос (120).

Ла Лигадаги сўнгги учта ўйинда Гризманнда "гол+пас" бўйича 6 очко бор - 2 гол ва 4 голли узатма. Чемпионатдаги сўнгги 5 ўйинда франциялик футболчи 8 та самарали ҳаракат қилиб, икки марта голли узатмани амалга оширган.