"ПСЖ" ҳужумчиси Лионель Месси "Барселона"га ўз шартини қўйди, дея хабар беради AS.
Манбага кўра, 35 ёшли аргентиналик ўзига жамоани тарк этишдан олдин ўйнаган 10-рақамни қайтаришни талаб қилмоқда. Ҳозирда у рақамда Ансу Фати ўйнайди. Олдинроқ 20 ёшли испаниялик футболчи "Барселона"ни тарк этишни истамаслиги, аммо клуб раҳбарияти молиявий аҳволини яхшилаш мақсадида у билан хайрлашиши мумкинлиги ҳақида хабар берилганди.
Месси “Барселона”да 2021 йилгача ўйнаб, “ПСЖ”га текинга ўтган. Ҳужумчи жорий мавсум парижликлар сафида барча турнирлар доирасида 37 та ўйинда майдонга тушиб, 20 та гол урди ва 19 та голли узатмани амалга оширди.
