"PSJ" hujumchisi Lionel Messi "Barselona"ga o‘z shartini qo‘ydi, deya xabar beradi AS.
Manbaga ko‘ra, 35 yoshli argentinalik o‘ziga jamoani tark etishdan oldin o‘ynagan 10-raqamni qaytarishni talab qilmoqda. Hozirda u raqamda Ansu Fati o‘ynaydi. Oldinroq 20 yoshli ispaniyalik futbolchi "Barselona"ni tark etishni istamasligi, ammo klub rahbariyati moliyaviy ahvolini yaxshilash maqsadida u bilan xayrlashishi mumkinligi haqida xabar berilgandi.
Messi “Barselona”da 2021 yilgacha o‘ynab, “PSJ”ga tekinga o‘tgan. Hujumchi joriy mavsum parijliklar safida barcha turnirlar doirasida 37 ta o‘yinda maydonga tushib, 20 ta gol urdi va 19 ta golli uzatmani amalga oshirdi.
