"Барселона" "ПСЖ" ҳужумчиси Лионель Мессини қўлга киритиш учун клуб харажатларини камайтиришга ҳаракат қилмоқда, дея хабар беради AS.
Манбага кўра, каталонияликлар Серхио Бускетс, Ферран Торрес ва Нико Гонсалес билан хайрлашишга тайёр. Бундан ташқари, клуб Марк Андре тер Штеген, Жорди Альба ва Френки де Йонг билан шартномаларни қайта кўриб чиқиши мумкин.
Месси “Барселона”да 2021 йилгача ўйнаб, “ПСЖ”га текинга ўтган. Ҳужумчи жорий мавсум парижликлар сафида барча турнирлар доирасида 37 та ўйинда майдонга тушиб, 20 та гол урди ва 19 та голли узатмани амалга оширди.
