"Бавария" "Наполи" ҳужумчиси Виктор Осимхен учун курашмайди, деб хабар беради BILD.
Манбага кўра, немис клуби 24 ёшли нигериялик учун 100-150 миллион евро тўламоқчи эмас, чунки унинг Германияда яхши ўйин кўрсатишига мюнхенликлар раҳбариятининг ишончи комил эмас. Жамоа асосий эътиборини бошқа номзодларга қаратади, асосийси “Айнтрахт” ҳужумчиси Рандал Коло-Муани.
Осимхен жорий мавсумда барча мусобақаларда 33 та ўйинда майдонга тушиб, 26 та гол урди ва 3 та голга ассистентлик қилди.













