«Челси» «Кристал Пэлас» ҳужумчиси Вильфрид Захага қизиқиш билдирмоқда.
Бу ҳақда Daily Mail хабар беради. 30 ёшли футболчининг «Кристал Пэлас» билан шартномаси жорий мавсум охирида тугайди, шунинг учун «Челси» футболчини текинга қўлга кирита олади.
Қайд этилишича, «кўклар» Захага жиддий даъвогар, бироқ клуб ҳали футболчи борасида якуний қарорга келгани йўқ.
Хабар қилинишича, «бургутлар» ўз футболчисига маоши кўтарилган ҳолда янги шартнома таклиф қилган. Янги шартномага кўра, Заха ҳафтасига 228 минг евро (йилига тахминан 12 миллион евро) олиши мумкин, бу эса уни клуб тарихидаги энг кўп маош олувчи футболчига айлантиради.
Жорий мавсумда Заха барча мусобақаларда 26 та ўйинда майдонга тушиб, 7 та гол урди ва 3 та голли узатмани амалга оширди.