«Локомотив» бош мураббийи Денис Коростиченко Про лиганинг 7-тури доирасида Ғузорда бўлиб ўтган ўйин (2:1) ўз фикрлари билан ўртоқлашди.

— Илк навбатда клубдаги барчани ғалаба билан табриклайман. Йигитлар бугун ҳаракат қилишди, яхши ўйин кўрсатишди. Биринчи бўлим ёмон ўтмади. Ўйиннинг охирида, балки, иштиёқ эвазига рақибларда вазиятлар бўлди. Учрашувнинг ўзи асабий кўриниш олди. Умуман олганда барчаси яхши бўлди, режадагидек ўтди. Ғалаба қозондик.

— Бугунги ўйинда «Локомотив» футболчилари қўпол ўйнагандек бўлди.
— Балки Сизга шундай туюлгандир. Мен учун «Шўртан» футболчилари ҳам қўпол ўйин кўрсатишди. Хатто биринчи бўлимда қизил карточка ҳам кўрсатилиши керак эди, деб ҳисоблайман.