"Ювентус" "Наполи"ни Италия чемпионатидаги эрта ғалаба билан табриклади. Шунингдек, неаполликлар А Сериянинг бошқа барча клубларидан ҳам табриклар олди.

“Наполи”ни учинчи скудеттосини қўлга киритгани билан табриклаймиз!”, - дейилади туринликлар Twitter саҳифасида.

4 май, пайшанба куни “Наполи” “Удинезе” билан дуранг ўйнади (1:1) ва чемпионат тугашига 5 тур қолганда, А Серияда ғалабани кафолатлади. Бу клуб тарихидаги учинчи скудетто бўлди. Дастлабки иккитаси ўтган асрда – 1986/87 ва 1989/90 йилги мавсумларда қўлга киритилган.