Хабарингиз бор, 3 октябрь куни “Жар” стадионида Осиё Чемпионлар лигаси чорак финали жавоб учрашувлари доирасидаги “Бунёдкор” – “Аделаида Юнайтед” баҳси бўлиб ўтади.
Учрашув арафасида, яъни 2 октябрь куни “Жар” стадионининг теннис кортида “Бунёдкор” мухлислар клуби аъзоларининг йиғилиши бўлиб ўтади. Тадбир соат 17:00да бошланади. Унда бир қатор масалалар муҳокама қилиб олинади.
Айни пайтда Осиё Чемпионлар лигаси жудаям муҳим палласига кириб бормоқда. Бундай дамда юртимиз шарафини муносиб ҳимоя қилиб келаётган “Бунёдкор” футбол клубини нафақат тошкентлик, балки вилоятлик мухлислар ҳам қизғин қўллаб-қувватлаб келишмоқда. Шундай экан, барчамиз бирлашган ҳолда халқаро миқиёсдаги ўйин давомида ўзбек халқининг мухлислик маданиятини қандай эканлигини намойиш этиб берайлик!
