"Барселона" ярим ҳимоячиси Серхио Бускетснинг келажаги тез орада ойдинлашади. Журналист Габриэль Санснинг ёзишича, яқин бир неча кун ичида испаниялик футболчи жамоа бош мураббий Хави Эрнандесга янги шартнома бўйича ўз жавобини бериши керак.

"Барселона" Бускетсни қарорни тезроқ қабул қилишга чақирди, чунки кейинги мавсумни режалаштириш бошқа нарсалар қатори Серхионинг келажагига боғлиқ. Таяня ярим ҳимоячиси маоши қисқартирилган янги шартномага рози бўлишга шошилмаяпти, чунки футболчида фаолиятини Саудия Арабистонида давом эттириш имконияти бор, у ерда унга анча кўпроқ пул таклиф қилишмоқда.

Эслатиб ўтамиз, ҳозир Бускетс "Барселона"да Френки де Йонгдан кейин энг кўп маош олувчи иккинчи футболчи бўлиб турибди.