"Ливерпуль" бош мураббийи Юрген Клопп жамоаси ушбу мавсум кучли тўртликка кира олмаслиги эҳтимоли юқори эканлигини айтди.
"Бошқа жамоаларнинг ҳолати бизникидан кўра яхшироқ. Улар ўз ўйинларини ютишмоқда, биз эса ортдагиларни ўтказиб юбормасликни ўйлайлик.
Бизда 59 очко бор, "Юнайтед"да эса 63. Биз максимум 71 очко жамғаришимиз мумкин, "Юнайтед"га эса 15дан 8тасини олса бўлгани. Улар қолган ўйинларидан 3тасини ютса бўлди.
Биз ўйинимиз билан бошқа жамоаларга босим ўтказишимиз мумкин, бироқ барчаси ҳам қўлимизда эмас. Гап шундаки, ҳозирда энг яхши тўрт жамоа бўлиб турганлар шундай ўйин кўрсатишяптики, қолган ўйинларда ютқазишидан кўра, муваффақияти кўпроқ бўлиши мумкин.
Мавсумни иложи борича юқорироқда тугатишни истаймиз. Ҳозир ўз ўрнимизни ҳам эгаллаб туришимизга кафолат йўқ. Хатто 6-ўринга ҳам", - деди Клопп.
