«ПСЖ» бош мураббийи Кристоф Галтье Лионель Мессининг Саудия Арабистонига рухсат этилмаган сафари учун дисквалификация қилинишига изоҳ берди.
«Келинг, воқеалар хронологиясидан бошлайлик. Ҳафта бошида раҳбарият менга Леони тўхтатиб туриш қарори ҳақида маълум қилди.
Қарор ҳақида хабардор бўлишим биланоқ, мен бу ҳақда изоҳ бермаслик мажбуриятини олдим. Мен клуб ходимиман, қарор қабул қилинди, бунга изоҳ бермайман.
Қарор қабул қилишим шарт эмас эди. Менга бу ҳақда хабар берилди ва мен бўйсунаман.
Лео қайтиб келгач, нима бўлишини кўрамиз. Бутун клуб билан, шунингдек, энг кўп манфаатдор бўлган Лео билан музокаралар ўтказилади», - деди Галтье.
