«Андижон» жамоаcиаъзолари яқинда меҳрибонлик уйига ташриф буюриб ёш болаларга совға-саломлар улашиб уларнинг кўнгилини кўтаргандилар.
Бу сафар ҳам Азамат Абдураимов бошчилигидаги жамоа яна ўша болалар шаҳарчасига бориб меҳрга муҳтож болалар билан ўзига хос учрашув ўтказдилар ва ширинликлар билан қувонч улашилди. У ерда ҳамма шароитлар яратилганлиги боис футбол ўйнаш учун ҳам ҳар томонлама қулай майдонлар барпо этилган.
Шу боис «Андижон» футболчилари ёшларни футболга янада қизиқтириш мақсадида уларга мастер-класс ўтказиб маҳоратларини намойиш этдилар. Бу эса ёш болаларда жуда катта қизиқиш уйғотди. Натижада жамоа аъзолари у ердаги болалар билан футбол ўйнадилар. Айтиш жоизки, бу учрашув уларнинг ёдида сақланиб қоладиган бўлди.
Боз устига футболга бўлган қизиқишлари янада ортди. Шуни таъкидлаш керакки, «Андижон» - «Пахтакор» беллашувида ушбу болалар стадионда «Бургутлар»ни қўллаб-қувватлашганди. Бу сафар ҳам «Насаф»га қарши бўладиган беллашувга таклиф этилдилар.
