"ПСЖ" ва "Ливерпуль" "Спортинг" ҳимоячиси Гонсалу Инасиуга қизиқиш билдирмоқда.
Le Parisen хабарига кўра, ҳар икки клуб ҳам 21 ёшли футболчини сотиб олмоқчи, уни клуб 45 миллион еврога баҳоламоқда. Париж клуби ҳали уни қўлга киритиш бўйича таклиф билан чиққани йўқ, "қизиллар" эса музокараларни бошлаб юборишган.
2022/23 йилги мавсумда Инасиу "Спортинг" сафида барча мусобақаларда 48 та ўйин ўтказиб, 3 та гол урди ва 3 та голли узатмани амалга оширди. Унинг шартномаси 2026 йилнинг ёзига қадар мўлжалланган.
Transfermarkt.com портали футболчининг нархини 25 миллион еврога баҳоламоқда.













