Мавсум якунида Лондон клубини тарк этиши керак бўлган "Челси" бош мураббийи Франк Лэмпард келажаги ҳақида гапирди.
Англиялик мутахассиснинг сўзларига кўра, у энди вақтинчалик мураббий бўлишни истамайди ва ўзи ривожлана оладиган клубга ишга кириш ниятида.
"Мен ўзим хоҳлаган тарзда ривожланиш имконияти бўлган жойда ишлашни истайман ва бу қандай йўл эканлигини жуда яхши тушунаман", - деди Лэмпард The Guardian билан суҳбатда.
"Челси" навбатдаги ўйинини бугун, 6 май куни “Борнмут”га қарши ўтказади. Ўйин Тошкент вақти билан соат 19:00да бошланади.