"Ливерпуль" бош мураббийи Юрген Клопп ёзги трансфер ойнасидаги умидлари билан ўртоқлашди.
"Челси" ярим ҳимоячиси Мейсон Маунт ва "Брайтон" ярим ҳимоячиси Алексис Макаллистер жамоанинг асосий мақсадларидан бири бўлади, деб хабар бермоқда Фабрицио Романо.
"Ишончим комилки, ёзда харид қилинадиган янги футболчилар кейинги мавсумда бизга ёрдам беришади. Биз одатда ўзимиз трансфер қилмоқчи бўлган футболчиларни қўлга киритамиз. Агар нарх жуда юқори бўлса, биз олдинга қараб ҳаракат қилишда давом этамиз. Шунга қарамай, биз керакли футболчиларни таклиф қилишимизга ишончим комил", - деди Клопп матбуот анжуманида.
Эслатиб ўтамиз, "Ливерпуль" айни дамда Англия Премьер-лигаси турнир жадвалида бешинчи ўринда бормоқда. Жамоа чемпионатда кетма-кет бешта ғалабага эришди.