"Барселона" вингери Рафинья Диас Усмон Дембеле билан рақобатдан қўрқиб, Хави Эрнандес жамоасини тарк этиш ҳақида ўйламоқда.
Sport нашри хабарига кўра, бразилиялик футболчи франциялик футболчи тузалиб кетганидан сўнг унинг ўйин вақти сезиларли даражада қисқаришидан хавотирда.
Рафинья худди Дембеле каби ҳужумнинг ўнг қанотида ҳаракат қилади. Усмон ҳозир бош мураббий Хави Эрнандес учун афзалроқ вариант.
Эслатиб ўтамиз, Рафиньяга аввалроқ Англия Премьер-лигасида талаб катта. Олдинроқ "Ньюкасл" бразилиялик учун 80 миллион таклиф қилишга улгургани ҳақида хабар берилганди.
